照鏡，仔細觀察自己，吐出真我。
望住鏡中嘅自己，好似。。。慢慢。。。事實上。。。同自己保持一點距離。
認清自己嘅積習，好似睇戲劇情咁，一環扣一環，事情同自己點樣互動發展落去。係觀眾，定係導演，一念之差。
透視鏡中人所想，點諗自己，點諗人，點諗事，點諗世界，點諗以往，點諗將來，點諗而家，原來，只係一個或一堆嘅思緒，呢啲思想唔係你自己，至少唔係你自己嘅全部，唔係完全等於你自己。一念而已。
感受鏡中人嘅喜怒哀樂，感覺『想必』是虛幻，但體會時又『感覺』好真實，痛好苦，喜好樂，哀好愁。舒服嘅感覺想留住，辛苦嘅感覺想逃避，常理。但，多留一陣，認識當下嘅感受，跟情緒同身體嘅聯繫交往，細嘗複雜五味嘅成份，體驗感覺嘅虛與實，同佢指引嘅方向。。。呢一刻之念，前後上下左右裡外。
或者，『水中月，鏡中花』，是常言，卻往往遙不可及。
至少，心中有台鏡，照見自己。我思，故我在。我在，故我活。
活喺邊個時空，過去、將來、現在？一念之間，穿梭於平行時空，自己導航。
喺鏡子房裡面，周圍都係鏡，鏡反映鏡中鏡中鏡中鏡。。。無窮無盡，影像越嚟越小，喺無限中消失了。
Comentarios